台財經主播「曝乳」講股

電視台財經節目主播，一向著衫都係都斯斯文文。不過台灣一個電視台財經主播，最近以一身火辣裝束講股票成功上位。

話說台灣全球財經頻道節目《乘烽造極》女主播夏琳，竟身穿粉色超性感吊帶睡衣「曝乳」講股，加上佢甜到漏嘅外貌（仲有啲似黃婉曼），配合極度嬌嗲嘅聲線，講真有幾多人真係可以專心聽股票？分分鐘佢講錯都冇人知。最勁嘅係節目中嘅男分析員，竟然仲可以講到股票，不過佢事後接受訪問時都話，當時對眼都唔知應該望去邊好。

根據台灣《三立財經》專訪，呢位向股民大派冰淇淋嘅夏琳，真名林佳韻，本身冇財經背景，以前只係一個Model，今次亦係佢第一次做主持。夏琳財經智識－零，主持經驗－冇，更喺節目中係咁食螺絲，但偏偏唔少網民話，睇在佢「事業心重」份上，都話唔介意，仲話要日日追看。

好在夏琳唔喺香港做主播，否認啲男散戶一定頭痕，都唔知應該講報價機落盤好，定係望住佢個樣好。 http://hk.apple.nextmedia.com/realtime/finance/20140318/52295560